Shumëgjuhësia në ditët e sotme
Eda Cauli, DrPedagoge e Gjuhës AnglezeUniversiteti i TiranësTrajnuese e provimeve IELTS, TOEFL, SAT
Shumëgjuhësia sot
Në ditët e sotme njerzit kanë tendencën të jenë më
shumë se dygjuhësh, pra shumëgjuhësh. Kjo vjen si rezultat i një
sërë arsyesh pozitive. Së pari, sepse
jemi të ekspozuar në mjedise ku flitet më shumë se një gjuhë, rrethohemi nga
njerëz të kombësive të ndryshme që mund të jetojnë pranë nesh ose që punojnë me
ne dhe le të mos harrojmë faktin që në ditët e sotme jemi të rrethuar nga
informacione dhe materiale shumëgjuhëshe ku shpesh na duhet të bejmë kërkime në
gjuhë të huaj apo të përkthejmë një përshkrim medikamenti nga vendi i tij i
origjinës. Të gjitha këto bejnë që ekspozimi të jetë i madh, i pandarë dhe i pandalshem
do ta quaja.
Si ndikon shumëgjuhësia në karrierë?
Të jetuarit në një mjedis shumëgjuhësh bën që
individi të identifikojë shumë lehtë fjalët e një gjuhe tjetër e cila në fakt nuk
është gjuha e tij amtare. Kjo ka ndikuar në të gjitha komunitetet ku fliten shumë
gjuhë. Studime të ndryshme, ndër vite kanë treguar së njerzit që flasin dy gjuhë
perceptojnë shumë herë më shpejtë në detyrat e tyre krahësuar me ata që flasin
vetëm një gjuhë dhe që duhet të përqednrohen shumë herë më shumë në punën e
tyre për të gjetur qoftë edhe një fjalë të vetme. Një studim nga Universiteti i
Chicagos ka treguar se femijët dy gjuhësh zhvillojnë një teori të mendjes, e
ashtuquajtura “theory of mind” gjatë ekspozimit të tyre në mënyrë të rregullt
ndaj një gjuhe tjetër dhe gradualisht ata fillojne të kuptojnë edhe se cfarë
kanë ndërmend të tjeret kur hasen në biseda me ta.
Për shembull, nese i referohemi një artikulli botuar
në gazetën “The Economist”, personat dygjuhësh
mund të vuajnë nga crregullime të lehta të kujtesës, të menduarit dhe të vepruarit,
ajo që ndryshe quhet si “dementia” rreth kater vite më vonë se sa personat njëgjuhësh
pasi ata kanë një përparësi në “kontrollin ekzekutiv” të të berit të gjerave
apo kryerjen e detyrave komplekse, përfshirë këtu përqendrimin e vëmendjes,
injorimin e informacioneve të parëndesishme dhe në përditësimin e memories në
punë. Ndërsa këta të fundit përqendrohen vetëm në ciklin e tyre më të ngushtë
dhe konsumimi mendor mendohet të jetë në një shkallë më të lartë.
Edukimi shumëgjuhësh
Një njeri shumë gjuhë, është
shprehja që zë vend më së miri në ditët e sotme dhe një rol shumë të
rendesishem në edukimin shumëgjuhësh e luajnë prindërit të cilët duhet të
tregohen tepër të kujdesshëm që të mos i përziejnë gjuhët në komunikimin e tyre
me fëmijët. Prindërit janë një motivim për ta dhe kur flasin një gjuhë ata
duhet t’a ruajnë atë linjë deri në një përvetesim të mirë të gjuhës së nisur
dhe njëherazi duke mbajtur një qendrim pozitiv karshi gjuhës së vet (amtare). Përkrahja
në mësimin e gjuhës së parë të fëmijës është shumë e rëndësishme. Po aq sa është
e rëndësishme.edhe përkrahja në mësimin e gjuhës së ambientit, në të cilin
femija jeton.
Përkrahja e gjuhës amtare
Ekzistojnë një sërë mënyrash të cilat mund të
ndihmojnë në përkrahjen e gjuhës amtare dhe ndër to mund të përmendim rolin e
prindërve që ju lexojnë fëmijëve libra, në mënyrë të rregullt, në gjuhen
amtare. Nena dhe babai duhet të nxisë dhe përkrah gjuhën e parë të fëmijes, ose
e quajtur ndryshe gjuha e familjes. Gjithashtu integrimi dhe eskpozimi i fëmijës
në një rreth kulturor e gjuhësor ku individë të tjerë flasin po të njejtën gjuhë,
bën që fëmija të jetë në kontakt të shpeshtë dhe të vazhdueshëm me gjuhën
amtare. Gjithashtu, vendosja e filmave me përmbajtje kulturore apo edukative të
vendit të origjinës ndihmon shumë në perceptimin e duhur të gjuhës amtare tek fëmijët.
Promovimi i gjuhës së huaj
Në ditët e sotme janë të pranishme shumë programe,
metoda apo koncepte specifike të cilat ndihmojnë në promovimin e njohurive të
gjuhës se huaj. Le të sjellim në vemendje kopshtet, shkollat, klubet e leximit,
mësimet pas shkolle (after school) dhe kurset përgatitore të cilat janë
promovimi kryesor i gjuhës së huaj. Për shembull, nëse një fëmije nuk flet ende
mirë një gjuhë, atij i vijnë në ndihmë programet për promovimin e gjuhës apo
klasat për mësimin e gjuhës, të cilat ofrojnë gjithë informacionin e duhur dhe
këshilla të dobishme.
Shpesh,
në të kaluarën, përdorej shprehja “Një
njeri, një gjuhë”, sot mund të shprehemi bindshëm “Një njeri shumë gjuhë”, teksa jetojme në një botë globale.
Burimi
https://akademia.kosovajob.com/shumegjuhesia-ne-karriere-sa-pozitivisht-ndikon
https://www.economist.com/science-and-technology/2015/05/30/do-you-see-what-i-see
https://www.economist.com/books-and-arts/2020/02/29/the-advantages-of-speaking-a-second-language
Comments